فتاوى

نصائح لطرد القلق وجلب السعادة

احفظ الله يحفظك

احفظ الله تجده تجاهك

أذا سألت فسأل الله

وأذا أستعنت فأستعن بالله

وأعلم ان الامة لو أجتمعت على أن ينفعوك بشىء لم ينفعوك بشىء الا بشىء قد كتبه الله لك

وان اجتمعوا على ان يضروك بشىء لم يضروك بشىء قد كتبه الله لك عليك

رفعت الاقلام وجفت الصحف

الاطمئنان وذكر الله ، والتوكل على الله وفوض الامر لله

وارضى بحكمه واللجوء اليه واعتمد عليه فهو حسبك وكافيك

ومن يتوكل على الله فهو حسبه ان الله بالغ امره

جعل الله لكل شىء قدر ولا تؤخر عمل اليوم الى الغد

فأنهى واجباتك أول بأول واحزر الذنوب فهى مصدر الهموم والاحزان وهى سبب النكبات وباب المصائب

استغفر الله دائما كون شجاعا قوى القلب ثابت النفس ذو همة عالية وعزيمة مضيئة

واحرص على بر الوالدين فهو من اعظم ابواب السعادة واعلم ان التردد سبب القلق

واحفظ دعاء الكرب ( لا اله الا الله العظيم الحليم ، لا اله الا الله رب العرش العظيم ، لا اله الا الله رب السموات والارض ، ورب العرش الكريم “. )

لااله الا الله سبحانك انى كنت من الظالمين “. وأقرأ القران فقارء القران لا يشكو قلقا ولا فراغا ولا ضجرا ان شاء الله

انسان عصبى

حياتى منذ الصغر مليئة بالمشاكل والظلم منذ كنت طفل وانا اتحمل كل شىء مسئولية منذ توفت والدتى وتزوج ابى بعدها مرتين وكان والدى عصبى جدا كانت زوجة ابى توقظنى فى الخامسة صباحا كل يوم اصحى روح هات عيش وكمان كانت تقول لوالدى ان ابنك ديما راح يلعب وكانت تتسبب كثيرا فى ان يضربنى والدى بسبب وبدون سبب كنت لاستطيع ان العب مع اصدقائى كرة القدم التى انا اعشقها وكانت اختى التى تكبرنى بسنتان دائما كثيرة المشاكل معها ودائما كانت توذينا معا لدرجة كنت اخاف اقول الحقيقة لوالدى وكنت اقف ضد اختى وبدأت تضربنى احيانا وكنت دائما لاستطيع ان اقول لابى كنت احس بالجحيم لاستطيع ان افعل اى شىء احبه وكنت اخاف ان تقول لابى اى شىء ليضربنى كنت انفذ اوامرها بالحرف خوفا من والدى لم اعد اتحمل كل يوم مشاكل وخنقات بسببها وكانت كثيرا ما تتسبب المشاكل لابى مع اخوته واقاربه كانت دائما تجبرنى على ان لااكل الا عند حضور والدى وكانت دائما تعطى اولاادها الطعام داخل حجرتها عشت طفولة صعبة لا يتحملها طفل وكان ابى دائما ينصاع لكلامها واحيانا لا عندما بلغت الرابعة عشر من عمرى بدأت اتمرد على حياتى مش دايما كل حاجة انا اللى لازم اعملها وبدأت اصرخ بين نفسى تعبت لكن كان لايسمعنى احد كنت احس بالوحدة بدأت افعل الاشياء الخاطئة وانا متأكد انها الخطأ ولكن لاثبت شىء لانفسى اننى استطيع ان افعل اى شىء وان اتحمل نتيجة ذللك وبدأت اثير المشاكل مع اصدقائى والغير كثيرا عندما كان يضايقنى اى شخص ولو بمجرد نصف كلمة كنت اثور عليه واضربه وكنت عارف انى هروح اتضرب فى البيت مش مهم المهم مسبش حقى كنت اتأثر دأما عندما اجد احد اصحابى تقبله والدته وتعطيه المال وعندما يعود تقفز الام لاحضار الطعام له وعندما يغيب ولو لنصف ساعة تقوم الدنيا وتقعد احساس كان مؤلم بالنسبة ليا لان العكس دائما يكون معى لا يسأل عليا احد بدأت المشاكل كثيرا مع اخوتى بسبها وهم اصغر منى واصبحت لااطيق مجرد الكلمة منهم اومن اى شخص اصبحت عصبى لدرجة ان اصبحت ادوس على الاشياء الجميله دون ان أدرى وبدأت اترك المنزل كثيرا وأذهب عن جدتى التى كانت تحبنى كثيرا وكنت احس عندها بالعطف والاهتمام كنت لو تأخرت عنها قليلا تقلب عليا الدنيا وكان والدى بعد فترة يذهب ويحضرنى ثم بعدها تتكرر المواقف كثيرا واحيانا كنت عندما اترك البيت اتمشى فى الطرقات حتى الصباح كنت اعمل ليلا بشركة الاهرام للمشروبات وفى الصباح اذهب الى المدرسة كنت لاستطيع ان ازاكر فانا مجهد الى ان عوضنى الله بصديق احبه جدا ويحبنى جدا بدأت اذهب معه الى البيت نأكل سويا وكنت لاأستطيع ان اخذه بيتى خوفا من والدى كانت امه تحبنى كثيرا وانا احببتها كثيرا جدا عندما اذهب لاسأل عن صديقى تجلسنى وتحضر لى الاكل والشاى وتجلس مع وايضاوالده يحبنى جدا جدا ويقول لى دائما انت ابنى واصبحنا لنفترق عن بعضنا البعض وعندما اتممت دراستى بدأت اعمل فى كل شىء وكنت اعطى معظم المال لوالدى كنت احس به فأنا احبه فعلا رغم انه كان يضربنى لكنى احبه وبدأت اطلب من اختى ان تقوم بعمل كل اشيائى من اكل وشر وكل اشيائى وكنت لا اكلم زوجة ابى لفترات طويلة لشهور وبدأت معاملى ابى لى تتغير فبدأ يصاحبنى ويشاركنى دائما فى قرارته بدأت احس منه الحب والعطف فكانت مواقه دائما تظهر انه يحبنى فأنا امتلك ميراث عن والدتى التى هى من عائلة كبيرة فكان لايأخذ منه شىء ويقول لى هو لك افعل به ما شئت رغم ما قاسيته فى الصغر فأنا احبه لكن لاأستطيع ان اتخلى عن عصبيتى مع نفسى ومع اخوتى ومع اصدقائى فقدت اشياء كثيرة بسبب العصبيةلااستطيع لو ضايقنى احد لا استطيع النوم الا عندما اشاكله حتى الان فى البيت اتعصب دائما على اخوتى على والدى احيانا وعلى زوجة ابى التى اصبحت لا تتكلم دائما افرض اشياء فى البيت ولا يستطيع ان يناقشنى احدولكن لا احب ان اظلم فقلبى دائما يرق لدمعة او نظرة خوف من احد لااحب ان استغل احد اخاف دائما من ان استغل احد فى ضعفه دائما افعل اى شىء يقف والدى معى فيهادائما افقد اعصابى لدرجة انى لااحس بأى شىء الا بعدها بفترة ولااصدق حتى انى فعلت ذلك واحيانا اخذ قرارات خاطئة اثنا عصبيتى وانا اعلم انها خاطئة لكن لااستطيع ان اعتزر او ارجع فى قراراتى نفسى اتخلى عن هذه العصبية حتى فى عملى   ( بتعاونية سوق الاسرة ) دائما اتعصب كثيرا واعلم احيانا انى خاطء واحيانا اكون صادق لكن العصبية فليسامحنى الجميع على مافعلت بهم وليعزرونى واتمنى من الله ان يبعد عنى هذه العصبية

انسان عصبى   

الطرب الجميل

الطرب الجميل هو ان تجلس لتسمع اغنية وتستمتع بها هو أن هذه الاغنية تفرغ نفسك لكى تسمعها فلابد ان تكون اغنية رائعه تهز واجدانك وان تفهمها وان ترتاح نفسك لكلماتها انا من عشاق كوكب الشرق ام كلثوم وفريد الاطرش وعبد الحليم حافظ ونجاة وعبد الوهاب وشادية ووردة وفايزة احمد اما من الجيل الجديد هانى شاكر ومحمد منير
عندما اسمع ام كلثوم فهو الطرب والفن الذوق ومن روائعها الاطلاال وفكرونى وامل حياتى التى هى اقرب لقلبى فيقول والدى وهو لايسمع غيرها انه عندما كانت تغنى ام كلثوم فهم كانو يتناقش هو واصحابه عن الاغنية قبل ان تغنيها وكانوا يستعدون لها كيوم العيد ويقول ايضا عندما يكون خلافات اسرية عند سماع اى اغنية للسيدة ام كلثوم كنا نشعر بها وكانت تنتهى بمجرد سماع الاغنية وعندما تقول (افتكرلى مرة غنوة سمعناها سوا خد من عمرى عمرى كله الا ثوانى اشوفك فيا)وعندما كنا نسمعها كنا نتمايل كأوراق الشجر مع كلماتهافكانت تغنى من روحها بالشىء التى كانت تحسه لا للمال وغنت لمصر كثيرا لم تترك مصر فى محنتها الان مصر كلها تتزكرها ولن تنساهاوياريت ان يعود الفن الجميل تانى فكانت تجمعنا مع بعض

الاستغلال

ماذا نفعل وقد اصبح كل انسان عرضه للاستغلال وقد اصبح سلعة رخيصة فى عصرنا هذا اصبح الاستغلال فى كل مكان وفى كل شىء حتى فى اقل الاشياء ولا تستعجبوا انه حتى فى الحب الذى هو حق اى انسان ادفع علشان تعدى ادفع عشان المصلحة تخلص ادفع علشان تمشى فى الشارع على فكرة الانسان ديما يستغل عندما يكون ضعيفا حتى الاستغلال موجود داخل اقسام البوليس اللى هما فى خدمة الشعب وأنا هحكيلكم بعض المواقف الى اتعرضت لها
كنت بحتفل بعيد ميلاد واحد صاحبى اسمه جمال واحنا مروحين وكانت الساعة حوالى العاشرة او الحادية عشر وكنا فى رمضان فتم اخذنا من رجلين يلبسون ملابس عادية منعرفس هما ظباط ولا امناء شرطة ولا حرامية وكان معاهم ميكروباص اجرة وذهبنا لقسم شرطة العجوزة واعرفنا هناك انه اسمه عمر وجلسنا تحت السلم وجاء واحد يقول من يريد اكل سجاير ميه قبل الفجر ما يؤذن فأشترى بعض الشباب الى كانوا معايا علبة السجاير الكيلوا باترا بخمسة جنيه والشاى بجنيه وسندوتش الطعمية بجنيه وبعد كده قعدنا كلنا فى حجرة صغيرة وجاء واحد قال انا رايح اكشف عليكم وعاوز كل واحد يطلع اتنين جنيه علشان مصلحتكم وكمان اجيلكم بسرعة علشان تروحوا بدرى بدرى ايه اذا كانت الساعة بقت السادسة صباحا والكل بدأ يطلع الاتنين جنيه مجبر اخاك وعارفين كان عددنا ايه حوالى 25 شاب يعنى حوالى خمسين جنيه هياخدهم الموظف على تأديه عمله اللى الدولة وفرته له انا قلت مش هدفع اللى كانوا معايا قالوا ادفع متعطلناش قلت انا مبحبش حد يبتزنى ادفعوا انته والحمد لله كانت نورا يونس وباقى افراد السوق اللى انا بشتغل فيه موجودين وخرجونا وكمان كنا رايحين رحلة فى الصيف الى العين السخنة نقضى يوم انا زمايلى اللى معايا فى السوق قبل العين السخنة لقينا مجموعة رجال طوال وقفونا وقالوا للسواق لازم تدفع كارته علشان تعدى ودفع السواق مش فاكر كام لكن اخذ المبلغ منا حتى سواقين المينى باصات لما كنا بنركب من الجيزة لامبابة كانت الاجرة موحد نص جنيه دلوقتى بقت جنيه او نركب نص الطريق
ارحمونا نعمل ايه احنا هنلاقيها من مين ولا مين
عسكرى المرور
ولا
السواقين
ولا
الموظفين داخل اقسام الشرطة

دعوة

يحتفل البرنامج الانمائى للامم المتحد باليوم العالمى للتطوع 8،9 ديسمبر بحديقة الازهر
وتعرض فيه معظم الجمعيات انشطتها فى هذا اليوم والدعوة عامة لكل الناس

التدوين هو الصحافة الشعبية

المدونه اعظم شىء انا عرفته وان المدونه تتيح لاى فرد انه يكتب اى شىءوانها تعتبر صحافة شعبية لاتقل عن الصحافة العادية من وجهة نظرى انا عرفت معلومات من المدونات معرفتهاش من الصحافة وكما المدونات لازم تكون صادقة وانا متأكد ان بعض المدونات تضع صاحبها تحت مسئولية كبيرة وهى اظهار الحقائق دون تحريف وان بعض المدونات اراها صادقة وبعدها مش صادق وان كل فرد عليه ان يختار ربنا عرفوه بالعقل وكمان تقدر تدخل بأى اسم انت تحبه وتختاره وان التدوين هو الصحافة الشعبية وكمان لما نسمع ان مدونة خدت افضل مدونة فى العالم شىء يشرف مصر
MIDO

ما محبة الا بعد عداوة

لما كنا صغار كنا بنكره بعض كتير ونتخانق كتير وكنا نتخاق على كل حاجة ولما كبرنا شوية زادت العداوة وبعد كده ومن غير مانعرف لقينا نفسنا بنقرب من بعض لقينا الاهل بيقولوا لازم كل واحد يكون فى حاله وان مفيش صداقة لقينا نفسنا احنا الاتنين بنقرب اكتر ومرة واحدة

هكملكم بكره

ميدو 

تعاونية سوق الاسرة

midomido-128.jpgانا ميدو من الشرقية كنت بشتغل فى شركة سيكم للمنتجات الحيوية وكان فى فكرة مشروع هيتعمل بين البرنامج الانمائى للأمم المتحد وشركة سيكم فى الاول مكنتش مهتم لكن رؤسائى فى العمل للتطوع فى هذا المشروع فقلت اجرب وتم عمل اختبارات لينا انا ومجموعة من الشركة من غير منعرف ايه المشروع ده او ايه الفكرة وبعد الاختبارات تم اختيارى انا وصديق عزيز اسمه جمال عطية وبعدها عرفنا ان احنا هنعمل سوق خضار وفاكهة بسعر موحد وخضار حيوى خالى من المبيدات هيوكون المشروع ده فى الجيزة يخدم هذه المنطقة بصراحة انا مكنتش مستوعب الموضوع سعر موحد وخضار حيوى وانا هشتغل فى السوق وانا السوق ده هيديره مجموعة من الشباب بدون مدير بنظام الادارة الجماعية
وبدأنا بالفعل التدريبات وكان عددنا ثمنية 8 المختارين بالاضافة الى نورا يونس كمنسقة وكان اول لقاء بينا فى البرنامج الانمائى للآمم المتحدة واتقابلنا هناك وكان المفروض يكون معانا واحد ثامن لكن كان عنده اصابه من المشاركة وبعد كده فى البرنامج اتقابلنا مع ليلى سعد من لبنان ملحوظة من ضمن اللى رشحونا للانضمام للمشروع كان فى هذه الفترة معنا كان دكتور / ياسر نصار : وبعد كده بدأنا التدريبات بس كان عندنا مشكلة انه مفيش مكان للتدربيات غير البرنامج الانمائى وديما بيكون مشغول وبعد كده شركة سيكم وافقة انها تدينا مكان ندرب فيه مقابل مبلغ مالى وبدأنا فى التدريبات وكنا كل يوم نتقابل فى المكان ده الساعة 9 الصبح ونتكلم مع بعض ونتعرف على بعض لانه المشروع هيقوم على الادارة الجماعية وبدأنا ناخد تدريبات على كيفية التعامل مع الحاصلاات الزراعية وكان ده على يد / الدكتور / عواد حسين \ وبعد كده واخدنا دورات عن مهارات التفاوض والاتصال وكانت على يد / الاستاذ / احمد عبد الحميد \ وبعد كده تم تدريبنا على مهارات  التسويق ملحوظة مش هقدر افتكر كل اسامى المدربين وقمنا بعد كده بزيارات ميدانية لكذا مكان منها مزارعين سيكم بالبحيرة وكمان مزرعة سيكم ببلبيس وشفنا ازاى بيعملو الكمبوست وهى طريقة عمل السماد الطبيعى للاستخدام فى الزراعة وبعد كده حصل بينا مشاكل كتير نحن المجموعة لان وقتها مكنش فى شغل قوى وكمان كانت ديما الاراء بتختلف وكل واحد كان عاوز رأيه هو بس دون اراء الاخرين وانا كنت واحد منهم وده من وجهة نظرى انا فقط انه تحول من نظام الطبقية اللى احنا اساسا متعودين عليه الى نظام دائرى وهو نظام مرن لكنه صعب لانه يجب على المتعاملين مع هذا النظام ان يكون لديهم مبدأ واحد ، ورؤية مشتركة ، وافكار تساعدهم على كده ، وبعد كده تم تحديد م لاقامة تجربة للسوق وكانت هذه التجربة ستقام بمنطقة المنيب وقمنا بعل سوق فى محل تم تأجيره من احد الاشخاص اللى اللى المفروض كان ينضملنا ولكن حصل ظروف ولم يتم اختياره وفى اليوم ده نجحت التجربة وكانت ناجحة وبدأ تحديد ميعاد بعده مباشرة للسفر الى فنزويلا وكان المفروض كلنا نسافر للتدرب على نظام الاسواق فى فنزويلا وكان المسافرين هم / احمد محمد / جمال عطية / احمد طلعت / غنى عمر /ايمن سيد /علاء شوقى / عاطف عبد العظيم محمد فتح الله / نورا يونس / لكن محمد فتح الله لم يسافر لارتباطه بتجهيز اوراق الجيش ن وكمان علاء شوقى ، لارتباطه بالمعهد لكن علاء المفروض كان يجيلنا على فنزويى بعد وعشرة ايام ، وبعد كده سافرنا وكان الرحلة ، القاهرة ، باريش ، باريس ، ،كراكس وسافرنا ونزلنا فى كراكس عاصمة فنزويلا واتقابلنا هناك مع المترجمين الاسبان واحنا كنا واخدين كورس اسبانى قبل منسافر وقابلنا هناك واحد اسمه / لويس دلجادو كان زار مصر قبل كده لعمل دراسه عن الاسواق فى مصر وأمراته تسمى / جايكا وصديقة تسمى انا يانسى/ ونفس اليوم تم الحجز فى فندق وفى اليوم ده كانوا عاملين حفلة استقبال لينا واحنا كنا تعبانين قوى الرحلة كانت 20 ساعة كان الارهاق باين علينا بس كانت حفلة جميلة ومن ترتيب الحفلة دى المقامة فى احد المحلاات الكبيرة ان احنا نتعرف على بعض وندوق الاكل الفنزويلى وكان فى اليوم ده يوجد شخص بيحتفل بوالدته بمرور عشرين عام على عملها فى الحكومة وبعد كده رجعنا للفندق بالعربية المجهزة لينا لنستريح وفى الصبح المقرر ان نسافر لباركسميتو لزيارة سوق اسمه / سكوسسولا \ والفروض هنقعد هناك (45 يوم) وسافرنا الى باركسميتو استغرقت الرحة (7ساعات ) بس كانت اروع مدين شفتها بالنسبالى يمكن علشان كانت اول مرة اسافر فيها بس هناك مفيش عسكرى مرور الشعب اساسا منظم البلد كلها خضرا البلد كانت فى التوقيت ده فى فصل الصيف عكس القاهره كانت شتاء وهناك قابلنا مجموعة من تعاونية سكوسسولا كانوا فى انتظارنا بالسوق وتحدثنا لمدة ساعة وكان مجرد تعارف وبعد ذللك ذهبنا الى الفندق المقرر لنا المبيت فيه ويسمى  ( بالمانسانو ) وذهبنا فى حوالى الساعة الثامنة صباحا الى السوق  وهو عبارة عن سوق كبير يقوم ببيع الخضار والفاكهة بأسعار موحدة واقسام للاغذية الجافة وأماكن صغيرة يباع فيها البان ولحوم ويوجد به مكان ايضا لميكرفون يذاع من خلاله عن اسعار المنتجات وعن اى تعليمات ويدير هذه التعاونية مجموعة كبيرة تتكون من حوالى (400 فرد ) تقريبا ويعملون بنظام الادارة الجماعية ولايوجد مدير عليهم او عامل يعمل عندهم يعملون بمبادىء كثيرة تعاونية واشتراكية 

هكملكم بعدين

النهارده فى السوق

النهارده فى السوق كالعادة صحينا الصبح وعملنا شاى كلنا اعضاء الجمعية وكل واحد راح على مكانه فى السوق عاطف ومحمد حسين على قسم الخضار واحمد ومنياوى على قسم الاسماك ودعاء على الكاشير ومحمود مبروك على قسم البقالة واسلام ومحمد شباب جديدة على خدمة الدليفرى بس كان عندنا مشكلة ان العجلة بتاعة الدليفرى يوجد بها ثقب والراجل بتاع العجل بيفتح الساعة 12 الظهر وكان فى طلبات كتيرة طب نعمل ايه قررت دعاء انها هتوصل الشباب بعربيتها ويوصلوا الطلبات وده كان حل مؤقت ورحت انا اصلح العجلة وصلحتها الظهر وجيه علاء الساعة التانية عشر وهو المفروض يثروح بلبيس لشركة سيكم علشان يجيب المنتجات الحيوية وانا وصلته لعن امبابة علشان هو ميعرفش مكان ميكروباصات بلبيس وانا كنت رايح امبابة اشترى شوية حاجات وهو دفع الاجرة  ورجعت لقيت انه فى اوردرات سمك لازم تتشوى ومنياوى كالعادة مبيعرفش يتصرف جيت وعملناها مع بعض والساعة الثالثة ذهب محمد حسين وعاطف لسوق الجملة علشان يشتروا الخضار زى ما بنروح كل ثلاثاء وبعد لما مشيوا جت ناس كتير تشترى ومكنش فى عدد مبروك بقى يروح يبيح خضار وبقالة وبعدين يرجع على الكاشير وانا كنت مشغول بشوى السمك لكن فى الاخر احنا الاتنين بنفكر فى هدف واحد وهو التعاون وتحمل المسئولية وعدم الاخلال بأنظمة العمل واحنا مستنين العربيات علشان نرصها كلنا 

من تعاونية سوق الاسرة الحضارى

Hello world!

Welcome to WordPress.com. This is your first post. Edit or delete it and start blogging!